Bu gün – 31 oktyabr 2012-ci il “Hilton Baku” otelində “Hackathon” layihəsi çərçivəsində , Azərbaycan Respublikası Rabitə və İnformasiya Texnologiyaları Nazirliyi, “Microsoft Azərbaycan”, “Nokia” və “Nokia”nın Azərbaycandakı rəsmi nümayəndəsi “MobiTel” şirkətlərinin dəstəyi ilə reallaşan “Windows Phone” müsabiqəsinin final mərasimi keçirilib.

Tədbirdə RİTN, Microsoft, Nokia, MobiTel və digər şirkətlərin nümayəndələri çıxış edib. İlk olaraq çıxış edən Azərbaycan Respublikası Rabitə və İnformasiya Texnologiyaları Nazirliyinin Strateji Araşdırma, İnvestisiya və elmi potensial şöbəsinin rəhbəri Elçin Zeynalov müsabiqənin əhəmiyyətini və gənclərin bu sahədəki aktivliyini yüksək qiymətləndirib.

Daha sonra “Microsoft Azərbaycan” şirkətinin baş direktoru Rüfət Hacıəlibəyov çıxış edərək, bu layihənin həm də gənc istedadların üzə çıxarılmasında böyük rol oynadığını qeyd edib.

“Nokia”nın Azərbaycandakı rəsmi nümayəndəsi “MobiTel” şirkətinin kommersiya direktoru Cümşüd Əliyev müsabiqənin Azərbaycanda mobil proqram sahəsinin inkişafına böyük bir töhfə olduğunu bildirib.

Sonda müsabiqənin təşəbbüskarı olan “Hackathon Azərbaycan” layihəsinin rəhbəri Rəşad Əliyev çıxış edərək, müsabiqə ilə bağlı statistik məlumatları tədbir iştirakçılarının diqqətinə çatdırıb. O bildirib ki, müsabiqə zamanı 8 mobil tətbiq hazırlanıb və münsiflər heyəti tərəfindən qiymətləndirilib. Nəticədə, müsabiqəyə dəstək göstərən bir sıra Azərbaycan İKT təşkilat və şirkət nümayəndələrindən ibarət münsiflər heyətinin müəyyən etdiyi qaliblər elan olundu:

1-ci yer: Elnur Məmmədov, azerdict.com internet resursunun məlumat bazası əsasında formalaşan, tərcümə xidməti “Aztionary” tətbiqi

2-ci yer: Fərhad Cəbiyev, “Twisland” oyunu

3-cü yer: Rüfət Babakişiyev, “ANS PRESS” informasiya agentliyinin xəbərlərini yayımlayan tətbiq

Qaliblər Windows Phone 7 əməliyyat sistemi üzərində işləyən Nokia Lumia telefonları ilə mükafatlandırılıblar. Bundan əlavə, müsabiqənin bütün iştirakçılarına “Microsoft Azərbaycan” və “Mobitel” şirkətlərinin həvəsləndirici hədiyyələri və “Hackathon Azərbaycan” layihəsinin sertifikatları təqdim olunub.

Məlumat üçün qeyd edək ki, müsabiqənin təşkilatçıları “İlk Addımlar” elektron təhsil layihəsi və wpblog.az saytıdır.
Hackathon – hacker neologiyasıdır – proqramçıların birləşərək müxtəlif problemləri həll etdikləri, lahiyələr hazırladıqları və yarışdıqları tədbirlər silsiləsidir. Hackathon-un əsas mahiyyəti keçirildiyi müddət ərzində müxtəlif proqramların və alətlərin yaradılması, bununla da proqramçı və hackerlərin öz aralarında rəqabət şəraitində biliklərini yoxlamaq və yeni biliklər qazanmaqdır.

1. Anar Orucov – RSS Reader

2. Cəmşid Naçıvanski – Hədəf

3. Elnur Məmmədov – Aztionary

4. Fərhad Cəbiyev – TwinsLand

5. Natiq Babayev – Bilirsinizmi

6. Rafiz Quliyev – XvsO

7. Rufət Babakişiyev – ShahinClient

8. Sabir Əlizadə – SymbolicWar

Daha öncə də məlumat verdiyimiz kimi, “Microsoft Azərbaycan”, “Nokia” və “Nokia”nın Azərbaycandakı rəsmi distribyutoru “MobiTel” şirkətlərinin dəstəyi ilə reallaşan Hackathon” layihəsi çərçivəsində keçirilən “Win Phone” müsabiqəsinin seçim turu başa çatıb.

Seçim turundan uğurla keçən tətbiq müəllifləri 14 oktyabr 2012-ci il tarixində ISR Plazanin Xezer zalında öz “beyin işləri”ni müsabiqənin münsiflər heyətinə xüsusi təqdimat formasında nümayiş etdiriblər. Münsiflər 8 müəllifin müsabiqəyə təqdim etdiyi tətbiqləri 2 həftə ərzində qiymətləndirəcək.

“Hackathon Azərbaycan” layihəsinin rəhbəri Rəşad Əliyevin məlumata əsasən bu müsabiqə layihə çərçivəsində Azərbaycanda bu günədək reallaşdırılan ən sürətli və qısa müddətli müsabiqədir.

R.Əliyev həmçinin, müsabiqənin final mərasiminin də cari ayın sonuna yaxın gerçəkləşəyini bildirdi: “Yarışma qaliblərinə qiymətli hədiyyələrin verilməsi nəzərdə tutulur. Yarışmanın keçirilməsində əsas məqsəd Azərbaycan dilində, Windows platformasında mobil proqramların sayını artırmaq, bu sahəni ölkədə geniş miqyasda inkişaf etdirməkdir”.

Məlumat üçün qeyd edək ki, müsabiqənin təşkilatçıları “İlk Addımlar” elektron təhsil layihəsi və wpblog.az saytıdır. Müsabiqənin informasiya dəstəkçiləri www.lent.az, www.trend.az, www.mobiz.az, www.weboxu.com və “Infocity” jurnalıdır.

Hackathon – hacker neologiyasıdır – proqramçıların birləşərək müxtəlif problemləri həll etdikləri, lahiyələr hazırladıqları və yarışdıqları tədbirlər silsiləsidir. Hackathon-un əsas mahiyyəti keçirildiyi müddət ərzində müxtəlif proqramların və alətlərin yaradılması, bununla da proqramçı və hackerlərin öz aralarında rəqabət şəraitində biliklərini yoxlamaq və yeni biliklər qazanmaqdır.

12 Oktyabr gecə saat 23:59-a kimi yazılan tətbiqlərin yığılması üçün son gündür.

Yazılan tətbiqləri bu formada göndərmək lazımdır.
- Tətbiqin işləyən versiyası (.xap faylı)
- Source kodları
- PDF və ya PPT(X) formatında təqdimatı (Təqdimat daxilində əlavə olaraq tətbiqin şəkillərinin və müəllifin tam adının olması vacibdir)

Tətbiqin göndərilməsi addımları
- hackathonaze@gmail.com ünvanına yuxarıda yazılan qaydada faylları göndərin (Arxiv formatında)
- Tətbiqin alınması barədə sizə təsdiq məktubu gələcək, əgər nə isə səhv olarsa sizə bu barədə məlumat veriləcək.
- 14 Oktyabr tarixində isə özünüz gəlib təqdimam etməlisiz.

Gördərilən tətbiqlərin 14 Oktyabr tarixində müdafiəsi olacaq.
- Müdafiə deyərkən yazılan tətbiqin təqdimatı nəzərdə tutulur.
- 14 oktyabr tarixində keçirilən tədbirə bu linkdə təsdiq etməklə qoşulmaq olar.
http://www.facebook.com/events/374564925953631/

Yazılan tətbiqin daxilində sponsorların logosunun qoyulması vacibdir.
- Logolar:

Mobitel-Nokia-logo

Hackathon Azerbaijan komandası

“Microsoft Azərbaycan”, “Nokia” və “Nokia”nın Azərbaycandakı rəsmi distribyutoru “MobiTel” şirkətlərinin dəstəyi ilə reallaşan “Hackathon Azerbaijan” layihəsi çərçivəsində keçirilən “Win Phone” müsabiqəsinin 30 sentyabr 2012-ci il tarixində keçirilən təlimlərin video görüntülərini təqdim edirik.

Nuranə Əliyeva – “Windows Phone ƏS üzərində qurulmuş “Nokia Lumia Telefonları”

Niyaz Abbasov – HTML5 və PhoneGap haqqında başlanğıc biliklər

Növbəti video görüntülərin yüklənməsi haqqında yeniliklərdən xəbərdar olmaq üçün bizim YouTube kanalımıza abunə ola bilərsiniz. http://www.youtube.com/user/hackathonazerbaijan

Təqdimat

Nümunələr
html5_demos.zip
PhoneGapStarter_demo.zip

“Microsoft Azərbaycan”, “Nokia” və “Nokia”nın Azərbaycandakı rəsmi distribyutoru “MobiTel” şirkətlərinin dəstəyi ilə reallaşan Hackathon” layihəsi çərçivəsində keçirilən “Win Phone” müsabiqəsinin seçim turu başa çatıb.

Azərbaycanda İnformasiya Texnologiyaları sahəsinin ən önəmli layihələrindən biri olan “Hackathon Azərbaycan” layihəsi çərçəvisəində “Microsoft Azərbaycan”, “Nokia” və “Nokia”nın Azərbaycandakı rəsmi distribyutoru “MobiTel” şirkətlərinin dəstəyi ilə növbəti müsabiqəyə start verilir. “Win Phone” adlandırılan növbəti müsabiqənin seçim turu 24-28 sentyabr 2012-ci il tarixlərini əhatə edəcək.
Müsabiqənin Təşkilat Komitəsindən verilən məlumata əsasən, yarışmanın keçirilməsində əsas məqsəd Azərbaycan dilində, Windows platformasında mobil proqramların sayını artırmaq, bu sahəni ölkədə geniş miqyasda inkişaf etdirməkdir. Yarışmaya iştirakçı olaraq qatılma şərtləri isə çox sadədir. Bunun üçün 24-28 sentyabr 2012-ci il tarixləri arasında www.hackathonazerbaijan.org saytına daxil olaraq, qeydiyyatdan keçmək kifayətdir. Qeydiyyatdan keçən şəxslərin müsabiqədə iştirakçı olaraq təmsil olunmaları müvafiq seçim əsasında müəyyənləşəcək.
Sentyabr ayının 30-da isə yarışmada iştirak hüququ qazanan iştirakçılar üçün təlim reallaşdırılacaq.Yarışma qaliblərinə qiymətli hədiyyələrin verilməsi nəzərdə tutulur.
Təşkilatçılar “İlk Addımlar” elektron təhsil layihəsi və wpblog.az saytıdır.
Məlumat üçün bildirək ki, Hackathon – hacker neologiyasıdır – proqramçıların birləşərək müxtəlif problemləri həll etdikləri, lahiyələr hazırladıqları və yarışdıqları tədbirlər silsiləsidir. Hackathon-un əsas mahiyyəti keçirildiyi müddət ərzində müxtəlif proqramların və alətlərin yaradılması, bununla da proqramçı və hackerlərin öz aralarında rəqabət şəraitində biliklərini yoxlamaq və yeni biliklər qazanmaqdır.

Hackathon Azerbaijan-dan yeni bir yarışma, Win Phone. Yarışmaya qoşulmaq üçün Qeydiyyatdan keçin.